D'n Opstaeker
| As 't aan de veer stadsdeelvereiniginge (Venloosch Vastelaoves Gezelschap Jocus, Bliëricks Vastelaovesgezelschap De Wortelepin, Vastelaoves Gezelsjap D’n Oeles en Carnavalsvereiniging "De Belhamels") van de gemeinte Venlo leet, löp idderein de vastelaovestiéd rônd mit "D’n Opstaeker™".
"D’n Opstaeker™" is 'n soort speldje, idder jaor ôntworpe door 'n Groët Venlose kunstenaer, det steit veur 'n dreejtal zake: 'nnen bliék van waardering veur de vuule vreejwilligers die alle soort vastelaovesaktiviteite organisere in Groët Venlo; 'nnen bliék van betrokkenheid mit de vastelaovend en 'nne financiëlen opstaeker veur de vastelaovesvereiniginge in de gemeinte Venlo. "D’n Opstaeker™" is 'n initiatief van de Raod van Elf van Venloosch Vastelaoveschgezelschap Jocus wao alle andere vastelaovesvereiniginge in de gemeinte Venlo aan meidoon. ‘t Idee ôntstônd in Basel, wao ‘t bestuur van Jocus vastelaovend 2004 evalueerde. In Basel, wao de vastelaovend traditiegetrouw 'n waek later velt, bliek idderein dae vastelaovend viert, 'n insigne te drage, dao "Plaquette" geneump. Auk in staej wie Kölle en Düsseldorf zien dergelikke speldjes te kaup. Verkaupadresse in stadsdeil Venlo:
|
|
Deze informasie deile mit andere:
