Laot ôs maar gewaere

Leedjes insteure

Reglement betreffende 't inzende en selektere van de vastelaovesleedjes beej 't Venloosch vastelaovesgezelschap "JOCUS"

Inkele veur alle betrokkene belangriéke data veur seizoen 2013-2014 zien:

Sloéting veur inzende van nieje leedjes is op 27 juli 2013 24.00 oor
De rippetisie veur de veurseleksie: vriedaag 23 augustus 2013 vanaaf 18.00 oor in 't Ald Weishoës
De veurseleksie: zaoterdaag 24 augustus 2013 um 18.00 oor in 't Ald Weishoës

Weej verzeuke ôg um de tekste en meziék te wille opsteure of aaf te gaeve beej:

Sikkertariaat Joekskemissie Jocus
Mgr. Zwijssenstraot 4a
5914 AJ Venlo
tillefoon 077-3522713 of 06-12054184
email: jk@jocus.nl

Inzende van leedjes

Ein leedje wuurt ingesteurd nao ein door Jocus-Joekskemissie bekind gemak adres, met inachneming van de sloétingstermien. Deze termien zal door Jocus vasgelag en bekindgemak waere door middel van ein advertensie in Daagblaad "de Limburger", de internetpagina van Jocus en eventuele andere media.
Dees advertensie wuurt minimaal twië maond veur de vasgelagde en gepubliceerde sloétingstermien geplaats.
De inzendtermien is bindend en eindig op de gepubliceerde datum um 24.00 oor.
Alle inzendinge die neet voldoon aan 't gestelde ônder de twië veurige punte waere oétgeslaote van deilname en zulle geretourneerd waere aan d'n aafzender.
De inzending deent te bestaon oét:
- ein CD mit de teks in Microsoft Word-formaat, lettertype Arial, 12 punts. (de ingeleverde teks zal in eine standaard opmaak umgezatte waere en daornao ôngewiézig waere aafgedrök in 't teksbook. Type en/of spellingsfoute zien veur verantwoording van d'n inzender) De teks zal inhaldelik gescreend gaon waere.
- ein in eige beheer opgenaome CD of mini-disk wao-op 't leedje einerzijds Instrumentaal - vokaal en anderzijds Instrumentaal verkorte versie (ein koeplet)
- ein pianopartie in twiëvoud, die besteit oét duudelik laesbare akkoorde en symbole, hetzij handgeschreve danwaal in de vorm van eine computeroetdreij.
't Heej geneumde môt taeves veurzeen zien van respektievelik de naam- en adresgegaeves van de komponis(te), de teksschriéver(s) en de oétveurende artieste.
Veurschrif t.a.v. 't leedje:
- Idder ingezônde leedje meug eine maximale speuldeur hebbe van 4 minute. Binne dees aantal minute/secônde ziet geej vreej um ôg leed te componere t.a.v. ut aantal koeplette en/of ut gebroëk van ein zgn. brök. Jocus Joekskemissie behelt zich ut veurrech um ein ingezônde leedje te diskwalifisaere as 't neet aan de heej in opgenaome veurschrifte volduit.
- Tekste deene te waere geschreve in 't Venloos dialek. As tekske of deile heejvan neet voldoon aan 't Venloos dialek, zal Jocus de inzender(s) heejvan in kinnes stelle. De teksschriever wuurt asnog in de gelaegenheid gebrach zien teks aan te passe.
- Ein leedje det gekaoze wuurt um door te gaon nao Jocus Leedjesaovund meuch neet miér instrumentaal of tekstueel gewiézig waere. De inzending as zoëdanig is bindend in 't gehiéle vervolgtrajek. Op de leedjesaovend meuge 2 koeplette gebrach waere.
Veurschrif t.a.v. teksdichter en componis:
- De teksdichter en/of componis meug maximaal dreej inzendige insteure.
- De op 't teksblaad of meziékblaad vermelde naam van teksschriéver en/of componis is bindend veur Jocus, zoëwie de vaerdere naamsverwerking ten behoeve van de opnamestudio, de CD-lay-out en Buma-Stemra.
Veurschrif t.a.v. de zenger / oétveurende:
- De zenger / zangeres meug maximaal dreej kiër as oétveurende aan de veurselektie meidoon.
- De veur ein leedje opgegaeve naam van de oétveurende zenger/zangeres is bindend.
- Ten aanzeen van veurgaonde bepaoling meuch gen gebroek gemak waere van eine commerciële groepsnaam.
- Ein leedje meug door maximaal veer oétveurende zengers / zangeresse gezônge waere.
- De minimum laeftiéd veur deilname van eine zanger of zangeres is 16 jaor.
Algemein: Jocus behelt zich 't gebroékersrech veur um de teks of meziék danwaal de titel van 't leedje veur eige doeleinde te gebroéke en/of te bewerke, zônder det dit met de teksdichter(s) of componis(te) wuurt aafgestump, met inachnening van de bepaolinge van de BUMA/STEMRA.

De veurseleksie Algemein:

Veuraafgaond aan de veurselektie zal op eine door Jocus vasgestelde datum eine repetisie-aovund belag waere.
Toegang tot de veurselektie hebbe teksdichter(s), componis(te) en oétveurende, die veurkômme op de liés van name beej de ingesteurde leedjes.
Jocus behelt zich 't rech veur um in verband met media-belange danwaal enig ander veur de vereiniging bepaolend belang, aaf te wiéke van de toegangsbepaoling.

De oétveuring van 't leedje:

Oétveurende kinne nao keuze gebroêk make van eur eige CD of mini-disk
't Leedje zal twié kiér waere gezônge, waorbeej d’n twiéde kier in verkorte versie zal waere oétgeveurd (kiek auk inzendingseise).
De start-volgorde wuurt door Jocus vasgesteld en is bindend.
't Leedje wuurt in zoéwaal de iérste as in de twiéde ronde gezônge door dezelfde oétveurende.

De zjurie / zjurering:

De zjurie zal op eine door Jocus vasgestelde aovend alle ingesteurde leedjes veurluustere, aan de hand van de door de inzender ingesteurde CD of mini-disk.
Oét alle ingesteurde en vertolkte leedjes waere op de daonao volgende veurselektie elluf leedjes gekaoze, waorveur allein 't door de zjurie oétgebrachte punte-totaal per leedje bepaolend is.
De zjurie besteit oét elluf stumgerechtigde vakpersoëne, beejgestaon door eine neet stumgerechtigde veurzitter.
De zjurie wuurt door Jocus samegesteld.

De loëting veur de leedjesaovend:

Nao bekindmaking van de elluf finaliste zal ein loëting plaastvinde um daomei 't start-nummer van de leedjesaovund te bepaole.
De loëting alzoë verrich is en blief bindend.
In geval van ein ex-aequo op plaats elf zal 't zoë zien det d’r twelluf leedjes euvergaon nao de leedjesaovund.
De leedjes die daor gaon nao de leedjesaovend meuge t/m d'n datum van de leedjesaovend nörges muzikaal danwaal vocaal ten gehuuére waere gebrach. Jocus zal heej strik op toezeen. As bliek det ein of mierdere nummers toch ten gehuuére waere of zien gebrach, wuurt det (de) finalenummer(s) oët de kompetisie gehaold en gaon vervolges de leedjes vanaaf nummer 12 van de veurseleksie alsnog door nao de leedjesaovend. Ein en ander is bepaold ter geransie van 't ônierlijke konkurrensiebeding.

De Leedjesaovend De leedjesaovend is ein wedstrijd wao de elluf winnende leedjes van de veurselectie ten gehuure gebrach waere, en wao-oét de veer winnende leedjes gekaoze waere en op zich daorum winnend vastelaovend-leedje van 't nieje seizoen meuge neume.

Leedje 1 t/m 4 waere volledig op de nieje Jocus geluudsdrager geplaats.
Leedje 5 t/m 11 zulle in verkorte versie op Jocus geluudsdrager geplaats waere.

Algemein:

De elf finaliste waere in opdrach van Jocus veurzeen van ein volledig arrangement.
De arrangeur wuurt door Jocus gekaoze en beneump.
De ingesteurde pianopartie zal as leidraod veur 't arrangere waere gebroek.
Jocus zal ein orkes beneume det de leedjes zal speule op (a) de door Jocus vasgelagde repetisie-aovend, (b) de generale repetisiedaag en (c) de eigelikke leedjesaovend.
De oétveurende zien verplich deil te neme aan de door Jocus vasgelagde generale repetisie-daag, met inachtneming van 't vasgestelde tiédschema, kleidingveurschrifte en andere eventueel veurkômmende en bekindgemakde regels.
Jocus haet 't rech um te beslisse op welke wiés d’n teks en/of meziék van de veer winnende leedjes veur gebroék in het daoropvolgende seizoen wuurt vermenigvuldigd.

De oétveuring van 't leedje:

In euverleg tösse Maurice Delsing (arrangeur van de Hofkepel) en de leedjesschrievers, kin dao gebroek waere gemak van ein backing vocal groep. Dit is gen verplichting, maar môt waere gezeen as ein extra facititeit van Jocus Hofkepel.
Van idder leedje waere inkel twiej (2) koeplette gespeuld en gezônge, ouk in ut geval det ein leedjes besteit oet dreej (3) koeplette.

Kleiding t.a.v. dames / hiére-oétveurende:

Hiére zien verplich in nette kleier eur optraeje te verzörge.
Dames zien verplich in gepaste aovendkleiding eur optraeje te verzörge.
De kleiding zal neet aanstoétgaevend meuge zien.
De oétveurende is verplich um de op de generale rippetisie gedrage kleiding auk te drage op Jocus leedjesaovend.
De kleiding zal beej tillevisie-registrasie getoënd môtte waere aan de regie.
Beej de oétveuring van 't leed meug gen gebroék gemak waere van attribute en of kleijage die oétbeelding of oétstraoling guëf aan 't vertolkte leed.

De zjurie / zjurering:

Zjurering zal plaastvinde door dezelfde zjurie die auk op de veurselectie de leedjes beoordeild haet.
Jocus behilt zich 't rech veur um in neet veurzene situaties wiéziginge in de samestelling aan te bringe.
De door Jocus vasgestelde zjurie besteit oét vakminse en zal as zoëdanig VAKZJURIE geneump waere.
De zjurering besteit taevus oét 't in de zaal aanwezige publiek, oétgebreid met zoégenaamde buurtzjuries die samegesteld zien oét vertaegewoordigers van diverse wiekvastelaovusvereiniginge en/of aangevöld met maximaal twiej gekaoze vertaegewoordigers oét de wiék.
Jocus bepaolt 't reglement van zjurering waobeej de vakzjurie en 't publiek idder einen eigen inbring hebbe.
De publiekszjurering wuurt bepaold via 't ophaole van de door 't publiek individueel ingevölde stumkaarte, waorop me ein keuze van veer leedjes invölt achter de op de kaarte aangegaeve nummering ein t/m veer.
De stumkaarte waere opgehaold naodet de leedjes d’n twiëde kiër zien gezonge.
De zjurering beej de buurtzjurie vindt plaats aan de hand van ein door Jocus vasgesteld en beej de individuele zjurie-laeje bekind gemak regelement van puntewaardering.
Ut oétgebrachte puntetotaal van 't publiek en de buurtzjurie zal nao telling heejvan aan 't publiek kinbaar waere gemak.
Ut oétgebrachte puntetotaal van de Vakzjurie zal nao telling heejvan aan 't publiek kinbaar waere gemak.

Toegang tot de leedjesaovend:

De teksdichters en of komponiste van de elluf winnende leedjes veur de leedjesoavund hebbe de meugelikheid um 10 kaarte (waovan 8 taege betaling) te risservere.
Moch einen teksdichter of komponis ein miérvoud van leedjes op de leedjesaovend hebbe, dan blief veur 't in heejbaove gestelde maar 8 kaarte (taege betaling) per leedje euver.
Teksdichters, componiste en oétveurende die beej deilname van de veurselectie gen finalis gewaore zien, hebbe de meugelijkheid um maximaal twië entreekaarte te kaupe.
De zjurielaeje die netuurlijk qualitate qua aanwezig zien, meuge maximaal ein extra entreekaart taege betaling risservere.

Jocus-Evenemente en CD-opname:

De oétveurende(n) van de winnende leedjes op de Leedjesaovend zien verplich um op de aan eur kinbaar gemakde Jocus-evenemente acte de présence te gaeve um eur winnend leed ten gehuure te bringe, volges de veurschrifte en regelemente die geldig zien veur 't desbetreffende evenement.
Veurgaonde verplichting is geldig vanaaf d’n ellufde van d’n ellufde tot aswoensdaag.
De oétveurende van de winnende leedjes op de Leedjesaovend zien verplich op ein door Jocus vasgestelde datum acte de présence te gaeve in ein door Jocus vasgestelde studio, waor 't leed zal waere opgenaome veur ein CD of einander geluuds-dragerproduk, en waal gedurende ein dusdanige tiédsperiode die nuuëdig is of nuuëdig geach wuurt um ein kwalitatieve gooje opname te make.

De meziékopname

De aan de opname-studio verbônde arrangeur bepaolt op welke wiéze de winnende leedjes waere opgenaome.
De opname(s) zulle plaatsvinde op eine door Jocus vasgelagde opname-daag c.q. aovund in ein door Jocus bepaolde studio.
Naeve de opname van de meziek en teks van de veer gekaoze leedjes behelt Jocus zich 't rech veur ein willekeurig aantal andere leedjes heejaan toe te voege.
Teksdichters en componiste kinne ein verzeuk aan Jocus richte um beej de opname(s) van eur eige produk aanwezig te zien; Jocus behelt zich 't rech veur um aan de hand van 't aantal binnegekômme verzeuke plaatse toe te kinne.
Teksdichters en/of componiste welke toegelaote waere tot de opnames ontzeen zich van idder commentaar ten aanzeen van de opnameleiding inzake arrangement, de wieze van oétveuring, kwaliteit en vaerder.

Euveral waorin dit regelement neet in verzuut zien de bepaolinge van BUMA/STEMRA van krach.

Iddere componis, teksdichter, zenger of zangeres dae behoefte haet aan begeleiding inzake van de geneumde wedstrijdelemente, oétveuringe, veurbereidinge etc. kint zich in verbinding stelle mit:
Sef Gubbels (lid Jocus Joekskemissie) tillefoon: 077-3969977 of 06-10913881. Sef zal de aanvraoger van advies veurzeen en/of in kôntak bringe mit idderen andere deskundige dae d'n aanvraoger nao aanleiding van zien vraoge kint advisere.

Op dit thoésblaad kint geej via Vraog en Aanbod van de meugelikheid gebroek make, um ôch aan te baeje as teksdichter, zenger of componis, of in kontak te komme mit dergelikke minse.

Moch geej nog vraoge hebbe, dan kint geej e-maile of belle mit: Hay Geritz, tillefoon: 077-3542661.

Jocus evenemente

As winnend leedje van 't VVG Jocus (leedje 1 t.m 4 c.q. in ex aequo 1 t/m 5) gelde de volgende verplichtinge ten aanzeen van 't verzörrege van ein optraeje:

CD prissentasie Joekskemissie (middaag)
Inscheete op de Mert veur 't Stadhoés; = ElfvanElf
de groëte Prônkzitting (aovend)
Boeremoosbal (aovend)
't Naopraote (middaag)
d'n Hofbal (aovend)
't Matinee Musical (daag)
de Träötprissentasie (nummer 1 op aanvraog) (aovend)
Zitting Half Haenke (tösse 14.00 en 16.00 oor)
de Seniorezittinge (twiej opein volgende aovende) (aovend)
't Jeugleedjesconcour (nummer 1 op aanvraog) (middaag)
Vrinde van Jocus (aovend)
Jocus Pocus (middaag)
Op 't balkunke op Boerebroelofsdinsdaag (op aanvraog ein van de veer leedjes op verzeuk van de Gemeinte Venlo). (middaag)
Mutse aafzette (op aanvraog ein van de veer winnende leedjes op vastelaovesdinsdaag middernach / op aanvraog) (nach)

Veurneumde evenemente hebbe inzake ein optraeje ten alle tieje veurrang op alle andere contractuele verplichtinge elders. Op dees veurneumde evenemente deent gage-vreej acte de presence gegaeve te waere op eine door de Joekskemissie te bepaole tiéd van optraeje, welke tiéd bindend zal zien. Ten aanzeen van ein optraeje zal aan de deilnemer(s) ein geste waere gedaon.

Deze informasie deile mit andere: