Enquête toekôms vastelaovend
Vriedag 12 maart 2021
Onderzeuksbureau Markteffect veurt de kômmende waeke mit Jocus ein onderzeuk oét nao de belaeving van de vastelaovend en ein aantal Jocus aktiviteite in ‘t biezonder. De bevindinge van dees enquete wilt Jocus gaer gebroéke beej zien ambitie um ôs riéke vastelaovestraditie in de regio laeve tig te halde en aan de kômmende generaties door te gaeve.
‘t Onderzeuk besteit oét ein korte vraogeliés die via diverse kanale breid verspreid wuurt in Venlo, de Jocusleeje en onder de leeje van ‘t bewoënerspanel in Noord-Limburg. ‘t Beantwaorde van de vraog kôs ôg maar 5 menute. Onder de deilnemers waere twiëe gratis kaarte veur d’n Boeremoosbal en twië gratis kaarte veur de Groëte Prônkzitting verloët.
De vraogeliés vind geej op www.jocusvenlo.nl/enquete