Niejs

Op zaoterdaag 12 november j.l. is Renier Linders tiejes de Jocus Prônkzitting, door Vors Joeccius XI Harry Pouwels gedecoreerd in de hoeëgste Jocus ónderscheijing, de orde van de Zwalm. Ein groeëte verrassing veur Renier, dae, wie kin ’t ouk anders, driftig met zien camera in de weer waas um de moeijste plaetjes te scheete tiejes de Prônkzitting.

Renier, dae aafgeloupe jaor ’t predikaat “Keuninklik” op de gaevel van zien fotozaak op de Klaosstraot móg plekke, woord kompleet euvervalle door zoeëwaal de Vors dae um nao baove reep as-ouk door zien collega’s van de P&P, die met 15 tegeliék dit unieke moment op de geveulige plate vas hebbe gelag.

“Renier haet ein femilie-tradisie veurtgezatte. Sinds jaor en daag haet de femilie Linders met groeëte toewijding as Hoffotograaf de moeijste foto’s van Jocus gemak. As Hoffotograaf traejd Renier in de vootspore van ziene Pap dae ouk de Zwalm haet meuge drage”, alzoë Vors Joeccius XI. De Zwalm woort in ’t beejzien van femilie en alle leeje van de P&P Kemissie, wao Renier vice-veurzitter van is, umgehange.
 

Deze informasie deile mit andere:

Tweet