Op de veurseleksie waere alle ingezônde leedjes veur 't iers live veur de vakjury ten gehuure gebrach, waonao bepaold zal waere welke 11 leedjes door gaon nao de finale tiedes Opus Jocus Leedjesaovend.
De veurseleksie is ein beslaote evenement veur schrievers en komponiste.
Wilt geej zelf ein leedje insteure? laes d'r alles euver op dees pagina.
Zaoterdaag 06 augustus 2022
Bedreuf zien weej beej ’t haergaon van d‘n hiër Jan Drost.
Kômmandeur in de Orde van de Zwalm
Prins Jan I in 1956
Ald-Barôn van Inkhoézen tot Pennenberg
Weej schriéve ‘t jaor 1956 wie Prins Jan I op joeksige wiés de Venlose vastelaovend veurging, alzoë 6 x 11 jaor geleeje. Daomei waas hae de nestor van ‘t Prinsekruuts. Nao zien prinsschap haet hae zich nog jaorelangk as Raodslid lofwaerdig ingezatte veur Jocus.
Jocus zal Jan dan auk mit groët respek gedinke.
Weej winse mevrouw Drost, kinder, kleinkinder en vaerdere femilie vuul sterkte met dit verleer.
Names alle leeje van Venloosch Vastelaoves Gezelschap Jocus
Roel Versleijen, veurzitter/vors
Dinsdaag 02 augustus 2022
Bedreuf zien weej beej ’t haergaon van mevrouw Ini Engels-Cornet.
Kômmandeur Gold in de Orde van d’n Haan
Lid van de P&P kemissie
Miër as dreej-en-dertig jaor haet Ini, mit groëte zörg, alle Venlose tekste tekste naogekeeke op zuuver Venloos. Daobeej kwaam zien riéke ervaring mit ôs dialek erg good en döks van pas. As dochter van Revue-groëtheid, Sef Cornet, raekende Ini zich det as hoëgste plich. Idder stökske Venloos det door zien hand ging woord op de juuste schriéfwiés naogezeen. Groëte oétgaves, wie ôs Träöt, ware zônder zien kritische pen neet det gewaore en gebleeve waat zeej noow is.
Ein stille krach en werme persuuënlikheid.
Jocus zal Ini mit groët respek gedinke.
Weej winse Wieke, Joep, Karin, kleinkinder en vaerdere femilie vuuël sterkte mit dit groët verleers.
Names alle leeje van Venloosch Vastelaoves Gezelschap Jocus
Roel Versleijen, veurzitter / Vors
