Oétgeleech

Opus Jocus Leedjesaovend

Opus Jocus Leedjesaovend vindt dit jaor plaats op zaoterdaag 8 oktoëber. 11 finaliste prissentere eur nieje leedjes aan ôg; welke veer leedjes gaon we truuk huure tiedes en veur vastelaovend 2023?

Jaomer genôg is de leedjesaovend oétverkoch. Geej kint aevel de gansen aovend mei luustere en kieke op Umroop Venlo televisie. 

Niejs

Finaliste Opus Jocus Leedjesaovend bekind

Zaoterdaag 03 september 2022

Good veur ‘t gemood! Vandaag, op zaoterdaag 3 september vond in de Venlonazaal Jocus Veurseleksie plaats. De 11 finaliste veur Opus Jocus Leedjesaovend 2022 zien:

- Groët gewaore - Baer Hendrix, Jeroen van den Ham

- Zônder wäörd - Bart Ebus, Etienne Snel, Loek Heunen, Marco Gielens

- Det zien de feite - Bart Janssen, Gijs Engels, Jules Fransman, Willy Billekens

- Ôs plaetske aan de Maas - Julia Beurskens

- Nieje energie - Bert Pollux, Herm Pollux, Ruud Stikkelbroeck

- Heimwee nao hoés - Danée Geuijen, Sem Daemen

- Waat vastelaovend bringk - Guusje Hazenbosch, Noa Peulen

- Vive la vie Merie - Jan Derijk, Joep Bindels, Paul Klaassens, Paul van Steenkiste

- 't Beste gehad - Jaydie Rutten, Loeke Janssen

- Asse mich leef haes - Julia Beurskens

- Danse mit plezeer - Mai Anröchte


Groëten dank aan alle deilnemende zengers, zangeresse, teksschriévers en kômponiste! En neteurlik, veur de 11 finaliste: van herte perfitsia!

Opus Jocus Leedjesaovend vindt plaats op zaoterdaag 08 oktoëber 2022. Kaarte zien te kaup in de webshop

 

In memoriam: Jan Drost

Zaoterdaag 06 augustus 2022

Bedreuf zien weej beej ’t haergaon van d‘n hiër Jan Drost.

Kômmandeur in de Orde van de Zwalm
Prins Jan I in 1956
Ald-Barôn van Inkhoézen tot Pennenberg
 
Weej schriéve ‘t jaor 1956 wie Prins Jan I op joeksige wiés de Venlose vastelaovend veurging, alzoë 6 x 11 jaor geleeje. Daomei waas hae de nestor van ‘t Prinsekruuts. Nao zien prinsschap haet hae zich nog jaorelangk as Raodslid lofwaerdig ingezatte veur Jocus.
 
Jocus zal Jan dan auk mit groët respek gedinke.
Weej winse mevrouw Drost, kinder, kleinkinder en vaerdere femilie vuul sterkte met dit verleer.

Names alle leeje van Venloosch Vastelaoves Gezelschap Jocus
Roel Versleijen, veurzitter/vors