• Koninklijke Erepenning

Oétgeleech

Insteure leedjes

Schriévers/Teksdichters en kômponiste opgelet! De inschrieving veur de nieje leedjes is geaöpend. Steur ôg leedjes in veur zaoterdaag 23 juli um 23:59 oor. Laes wiejer veur 't reglement en miër informatie.

 

Niejs

In memoriam: John Bartels

Vriedaag 20 mei 2022

Bedreuf zien weej beej ’t haergaon van d’n hiër John Bartels.

Stadsprins John I in ‘t jaor 1984
Ald-Adjudant beej Prins Jan III in ’t jaor 1966

Kômmandeur Gold in de Orde van d’n Haan

Eine ôndernemende Venlonaer mit ein groët hert veur de Venlose költuur.
Door zien engagement en royale inzet goof hae ôs stad, letterlik en figuurlik, mei kleur. Bourgondisch en begaon.

Jocus zal John mit groët respek gedinke.
Weej winse Marc, Tom en vaerdere femilie vuuël sterkte mit dit groët verleer.

Names alle leeje van Venloosch Vastelaoves Gezelschap Jocus
Roel Versleijen, veurzitter/vors

 

In memoriam Hay Kuyper

Zondaag 10 april 2022

Deep bedreuf zien weej beej ’t haergaon van d’n hiër Hay Kuyper.

Commandeur in de Orde van de Zwalm
Prins Hay I in 1974
Adjudant van Prins Hein I in 1971
Ald-Jônkhiér Kwikstert
Ald
-Chef du Protocol

Hay had neet allein Jocusblood. Iddere vezel in zien liéf waas Jocus, Hay aosemde Jocus.

Miër as 60 jaor waas Hay d’r eine van ôs.

In al die jaore haet Hay zich mit gans zien Jocushert ingezatte veur ôs gezelschap en waas hae toujours op zien qui-vive um, op zien eige kinmerkende wiés, te waake euver de tradisies en ‘t decorum van Jocus.

Weej verlaere in Hay eine oprech betrokke, aevel baovenal fijne mins.

Jocus zal Hay dan auk mit ‘t grutste respek gedinke en bringk, in gedachte, eine staonde dreejdöbbele viéfklap oét op deeze illustere Jocusman.

Weej winse zien leefste Muis, Hélène, Rob en Lieve vuuël sterkte mit dit groët verleer.

Names alle leeje van Venloosch Vastelaoves Gezelschap Jocus

Roel Versleijen, veurzitter / Vors Joeccius XI