Oétgeleech

Prônkzitting

Tiejes de Prônkzitting wissele meziék, humor en dans zich in hoëg tempo aaf. ’t Regerend Jocus 3-span, Prins Marcel II en zien Adjudante traeje deezen aovend aaf en haope op ein plaetske in de Prinsehemel.

Niejs

‘D’n Opstaekerᵀᵐ 2022’ ein ontwerp van Sabrina van Wijlick

Dinsdaag 19 oktoëber 2021

Weej hebbe d’r nog langer op môtte wachte as weej gewind zien, maar ’t liék d’r op det Vastelaovend 2022 weer geit liéke op de Vastelaovend wie weej dae gewind ware. Beeldend kunstenaer Sabrina van Wijlick oét Belvend haet in idder geval veur de kômmende vastelaovend ‘D’n Opstaekerᵀᵐ 2022’ ôntworpe en det vindt zeej ein hiele groëte iër: “Ik vônd ‘t hiel erg kwant wie Ron van Zoest, veurzitter van de Belhamels, mich vroog of ik ‘d’n Opstaeker 2022’ woel ôntwerpe en dao bin ik hiel gruuëts op.”

Sabrina van Wijlick makde dezen broche oét naam van alle viéf de stadsdeilvereiniginge van de gemeinte Venlo: “Hiel vuuël minse in ôs regio hebbe ein hert veur Vastelaovend, det veulste. Zeker noow ‘t fees in 2021 anders waas as veurgaonde jaore.”

“Det ‘halde van’ heb ik perbere oét te drökke in deze niejen ‘Opstaeker’. ’t Is ein aope hert mit dao umhaer ein zaag, symbool veur de (wage)bouwers, ein piensel veur de grimeurs, de ‘träöt’ en de sol-sleutel veur de meziekante en neteurlik de vlag die mit de dolle daag oét meug.” ‘t Aope hert luuët de kleur van ‘t ‘pekske’ van d’n drager zeen. Dit ôntwerp, van in totaal dreej schetse, is oétintelik door de Vorste van de viéf stadsdeilvereiniginge gekaoze.

Sabrina van Wijlick viert al zien ganse laeve Vastelaovend. Ik vier det veural mit ôs vrinde. Idder jaar bouwe weej auk eine wage en trekke weej mei mit de Belvendse Optoch. “Ôzze naam? ’t Jeuk wir’. Maar auk boéte ‘t seizoen is het creatief bezig. “Ik bin Chef Decor beej de musical van ‘t Valuascollege in Venlo.”

‘D’n Opstaekerᵀᵐ’ is eine saort broche dae steit veur ein dreejtal zake: eine bliék van waardering veur de talloze vreejwilligers die allerlei vastelaovesactiviteite organisere in de stadsdeile Venlo, Bliërick, Tegele, Belvend en Aarce en Velden; ein bliék van betrokkeheid mit de vastelaovend en eine financiële opstaeker veur alle Vastelaovesvereiniginge oét deze regio. De viéf stadsdeilvereiniginge van de gemeinte Venlo haope det de inwoëners, juus noow massaal de vastelaovesbroche zulle kaupe um zoë de verschillende vereiniginge te ôndersteune.

Sabrina van Wijlick (1978) is getrouwd mit Roy en haet ein döchterke van dreej. In eure dagelikse doon werk het as docent Kunst en Cultuur op ‘t Valuascollege in Venlo. Daonaevebeej is het thoés veural bezig mit keramiek, ein passie die het mit de paplaepel kreeg ingegaote. Zien vader, Herman Crins, waas namelik pottebekker en is nao zien carrière achter de pottebekkersschiéf auk keramiekcursusse gaon gaeve, iets waat zien dochter ôndertösse haet euvergenaome. “Daobeej werke mien vader en ik vuuël same aan opdrachte die weej kriége, maar ik maak auk vuuël werk zelf, waat ik neteurlik auk perbeer te verkaupe.” Miër informatie euver Sabrina van Wijlick is te vinde op de Facebook Site Keramiek de Pöngelhook.

D’n Opstaekerᵀᵐ 2022 zal op d’n Elfde van d’n Elfde waere geprissenteerd. Vanaaf dan is deze auk te kaup via de verschillende websites van de vastelaovesvereiniginge, ein groët aantal winkels en ônderwiel de vastelaovesactiviteite.

Download persbericht in Nederlands

Download persbericht in Venloos

Download foto in high-res

 

Boeremoos paote in ‘t park

Zaoterdaag 16 oktoëber 2021

In 't Julianapark woort zaoterdaagmiddaag ‘t nieje Boerebroélofsgezelschap Zomerparkfeest veurgesteld. Same mit 't nieje Boerebroédspaar Nick Poeth en Lotte van Bergen woort boeremoos gepaot. Auk woort eur nieje logo ônthöld.

t Broédspaar geit in d'n ondertrouw tiédes d'n Boeremoosbal op zaoterdaag 29 jannewari.Kaarte zien verkriégbaar in de webshop