Krense veur nappes
Zondaags nao ’t Boéremoosbal is ‘t Krense. Ge kint ’t nieje Boérebroelofsgezelschap
“De Koedeljach van Benders” filicitere en gezellig naoproate euver ’t Boéremoosbal.
Mit ein klepke in de hand en joeksige meziek mit de ganse femilie, vrinde en aanhang nao de Maaspoort veur eine kwanten daag.
Dit jaor anders
Dit jaor is VVG Jocus jäörig: 16 x 11 jaor. En daorum is d’r nao ’t Krense en speciaal veur ‘t Jocus Jubeljaor ein Jocus jubel editie van Nappes op de Proms, wao miér dan 111 artiste zón 70 Jocus leedjes van 19-toen wiés 2000-noow ten gehuure bringe.
Entreebewiéze
Veur "Krense veur nappes" zien e-tickets te verkriege via www.jocus.nl a €2,50 per stök. Dees tickets gaeve gegarandeerde toegang tot 't evenement en zien taeves good veur 1 Jocus jubel medalie, die aan de ingang verstrek zal waere; de medalie is ôg toegangsbewies veur 't programma in de groëte zaal.
Zaal aope
Let op : ’t Krense van ’t Boéregezelschap deurt van 11.30 wies 13.00 oor. Danao geit de zaal efkes toe um de zaal um te bouwe (Veur de laatkommers: ’t filicitere geit baove door.)
Daonao geit de groeëte zaal efkes dich zoëdet we kinne umbouwe.
Um 14.00 oor begint dan “Krense veur Nappes” en kint ge mit ’t e-ticket en de Jubelmedalie nao binne. Vuuel plezeer !
