Sef Maas is gebaore op 15-09-1951 en is in 't dagelikse bestaon general manager van DFDS Transport (vrachwaages). Hae woënt op Saffier 23 in Venlo. Hae is getrouwd mit Ine en same hebbe zeej dreej kinder in de laeftiéd van 14 wies 18 jaor.
Sef beschriéf zichzelf as enne bezige en det bliek ouk oét zien hobbies. Naeve intensief fitnesse en wandele luës hae gaer wies deep in de nach. Vaerder is hae eine verdeenstelikke slaagwerker en trek gewuënlik mit de Vastelaovend mit Joekskepèl Underste Baove de stad door. Dees kepèl is samegesteld oét beroepsmuzikante en 't feit det hae d'raan mei meug doon guf aan det zien kunste neet te lich meuge waere ingeschat. 't Duit 'm ech pien neet mei te kinne trekke. Op sportief gebied hild hae mit eine groep alde getrouwe de herinneringe aan Greun Wit wakker. In 't verleeje waas hae, net wie zien twië steunpilaers Prins beej de Meulewiekers (eure gezamelikken achtergrond).