Adjudant I John Straten woord in 1957 in Grubbevors gebaore as derde van veer blaage. Pap had ein assurantiekantoër. John is altiéd op Venlo gerich gewaes en haet dao de middelbare schoël gevolg. Hae is, nao in Utrecht te hebbe gewoënd nao Venlo gekômme, haet heej eine woëngroep mei opgerich, allerhande”gooje doele stichtinge”geïnitieerd en later achteraan op de Pônniewaeg Full Account begôs(accountancy, belasting advies) en duit det noow nog steeds. John is bestuuslid van de Zomerparkfeeste, waobeej hae verantwaordelik is veur de sponsoring en speult hae auk nog penningmeister beej Umroop Venlo. Daonaeve haet hae nog bestuursfuncties in verschillende stichtinge. Hae zit zich mit name in veur cultuur in Venlo. Hobbies zien laeze en wien en beej de spoirt leet de veurkeur beej schaatse en “deurloup”. Same mit partner Annie Voermans is hae gruuëtse Pap van Lizette en Philippe.