Stadsprins Lucas Peeters (53) is in ’t dagelikse laeve werkzaam beej Flynth adviseurs en accountants BV in Venlo. Hae is getrouwd mit Mariet en zeej hebbe same 2 zeuns en ein dochter. Evelien (24) is ein ech Venloos maedje en student aan de Fontys Hogeschool in Eindhoven veur de opleiding verpleegkundige , Ralf (31), getrouwd mit Irene, werkt as assistent-controller in Remund en Marc (27) studeert aan de Universiteit in Tilburg rechten en is bezig mit zien masters. Lucas is veurzitter Joekskapel Neet Um Aan Te Huùre ofwaal NUATH wao hae de sousafoon bespeult. Vaerdere hobbies zien tennisse (lid beej TC Venlo), hardloupe (beej 2 run 4 fun) en hiel vuul waat mit meziék te make haet.