Adjudant Quinn Vaessen (36) woënt in Venlo same mit Maikel Kroone en is in 't dageliks laeve werkzaam as Area Salesmanager Benelux beej Pearl Music Europe (Drums & Percussie instrumente). Daoboéte duit hae 't 'Regelwerk' veur artieste, bands en ander entertainment beej feeste en evenemente. Zien vastelaovesverleeje leet beej Jocus Toekôms, wao hae sirremoniemeister en vors is gewaes. Taeves haet hae jaore d'n optoch meigelaupe mit 'De Frette'. Meziék is aevel zien groëtste passie. Quinn waas as toetsenis 14 jaor verbônde aan Jocus Hofkepel wao hae minnig vastelaovesleedje oét d'n bums speulde. In 1996 vertolkde hae same mit Leta Bell 't leedje 'Ik blief beej dich'. Auk haet hae -same mit d'n hoëgheid- jaorelangk de podia in Limburg meuge betraeje mit 't parodiekwartet Pinda Wullum, mit as bekroëning 't behaole van d'n titel Doctorandus Humorus Causa. Vandaag d'n daag mak hae as toetsenis deil oet van 't Wausorkes (v.v.v.v.v.v.v.v. de Waus) en vertolk hae de Duitse schlagers in ôs land mit de Jungs und Mädel van Die Powerhosen.