Adjudant Nico Tissink (links) is 52 jaor en getrouwd mit Monique en vader van dochter Juul (20) en zeuns Mark (22) en Youp (18). In zien jeug had hae ein rondtrekkend bestaon. Zien pap werkde in Zeeland mei aan de stormvloodkiëringe. As d’r weer ein stök klaor waas meus ‘t gezin Tissink mei verhoéze. Hae is verknoch aan de zië en haet zoë op de visaafslaag en op de beejbehuurdende merte van Antwerpe, Gent en Luuk ’t harde paeze geliërd.
Is gans verknoch aan de ziëj en kwaam zoë in zien jonge jaore as beejverdeenste in de vishandel terech. Hae stond op de visaafslaag en op vuuële merte in o.a. Antwerpe, Gent en Luuk. Daor haet hae ‘t harde werke geliërd.
Heej kwaam ein ind aan wie Nico ging studere. Aan de HTS van Heerlens studeerde hae suma cum laude aaf in ein van de meujlikste richtinge: Natuurstudie. In Heerlen liërde hae auk ein oer Venloos maedje kinne: zien eige Monique. Zoë haet hae al miër as 30 jaor ein doorlaupende kursus Venloos gehad.
‘t Ondernemerschap haet hae ge-orve van zien opa. De technische knoebel en ein groët sociaal hert haet hae beej zien gebaorte meigekrege. Nao diverse umzwervinge is hae in Venlo terech gekômme, mit name door Monique. De basis veur zien bedrief woort gelag op ein slaopkaemerke van zien appartement op d’n tomp van d’n Hoëgewaeg en de Craneveldstraot. Wie ‘t bedriëf groëter woort zien zeej in de Windmeule vaerder gegaon, um oétintelik te lande in ‘t veurmalige gebouw van de Kamer van Koophandel aan de Numwaegsewaeg. Thans is hae directeur van Pulse, waat besteit oét twië bedriéve: Pulse Business Solutions B.V. en Axtension B.V. Zeej stelle andere bedrieve in staat mier oet eur organisatie te haole door bedrijfsprocesse te optimalisere. Mit Pulse mak hae gruuëts deil oét van de Sociëteit Jocus 1842.