Adjudant Dick Uiting (34) is getrouwd mit Dianne Boots. Same zien zeej de leefdevolle elders van Luut van 8 jaor.
As klein menke zoot Dick al in de zandbak met stekskes op eimerkes te houwe. As ’t efkes kôs leep hae euveral op te trômme. Op de meziékschoël woort de basis gelag veur zien latere drumcarrière.
As leefhebber van dialekmeziék woort hae betrokke woort beej de Nach van ‘t Limburgse Leed. Ouk in ‘t water had hae zien kwaliteite. Hae drong zelfs door wies in ‘t Nederlands jeugwaterpolo-team.
Meziék bleef aevel de baovetoën veure. Mit (zoëmaar) traoj hae same mit d’n Hoëgheid en de band 60 wies 70 kiër per jaor op. Euver (zoëmaar) zaet hae: "Dao loog mien muzikale gelök. Ik kôs lekker drumme in eine band mit vrinde en minse in en boëte Venlo vuuël plezeer bezörge. Wie Lex in 2013 aankondigde det hae door zien werk beej de radio en tillevisie mit pien in ‘t hert meus stoppe beej de band storde miene waereld in. Same mit de bandleeje hebbe weej duchtig môtte bäöke. Maar neteurlik gunde weej Lex zien carrière oéteraard en hadde begrip veur zien besloét. Daor wao (zoëmaar) oëits begôs – op de Nach van ‘t Limburgse Leed in kefee de Locomotief - waas 10 jaor later ouk ‘t ind.
Op de HEAO woort gestudeerd in de opleiding juridische economie. Det kwaam good van pas in zien latere beroop as makelaer. Sinds 1 december 2015 haet Dick zien eige zelfstandig makelaerskantoër.