Adjudant Dominique Dello is 46 jaor geleeje gebaore in Mestreech. Same mit zien vrouw Kim hebbe zeej dreej kinder van tiën, twelf en viéftiën jaor.
’t Waas veur Dominique al vruug duudelik det hae later bioloog woel waere. Nao de Havo meus dan auk de Laboratoriumschoël bezoch waere. En die loog in Bliërick... Dus in 1999 trok hae vanoét Mestreech nao ‘t Jocusriék. Hoewaal Venlo en de Venonaere in ‘t begin ganse vraemde ware, deurde det neet lang. Onder andere via de Gôlden Tijger liërde hae vuuël minse kinne: “De Venlonaere zien toegankelikker as de Sjenge en kinmerke zich door eur gruuëtsigheid op de stad en ein mentaliteit van doot maar gewoën dan duisse gek genôg.” Dit pas gehiël beej zien karakter.
Zien werkzame laeve woort gestart beej AKZO in Boxmeer. Toch waas ‘t bedriéfslaeve waat um miër trok. In 2001 begôs hae as intercedent beej oétzendorganisatie Olympia. Hae greep heej zien kans en noom in Oës-Braobant twië vestiginge euver. Ein nieje carrière waas gebaore. Al eine gas jaore is hae penningmeister van de Stichting Vrinde van Jocus, die ‘t meugelik make um Jocus in allerhand opzichte te facilitere. Auk de Vrinde van Jocus viere dit jaor ein jubileum: 2 x 11 jaor. “D’n Hoëgheid, Paul en ik zien dreej gezwaore vrinde. Ik spits mich al vanaaf ‘t moment det ik jao heb gezag op alles waat stond te gebeure. Ik bin gruuëts det ik dit as Adjudant mei meug make in de stad wao ik zoëvuuël van bin gaon halde!”