Op de zaoterdaagaovend, percies 2 waeke veur de vastelaovend, zal ‘t jäörlikse JOCUS Hofbal plaatsvinde in de Maaspaort. In ein biezôndere ambiance en sfeer kump dan ein ind aan ‘t mysterie wae de nieje Hoëgheid zal waere. Op eine persoën nao wuurt ein aantal Venlonaere die oeits Stadsprins wille waere die illusie veur det jaor ôntnaome. ‘t Oétroope haet idder jaor iets spectaculairs en geheimzinnings. Idder jaor zulle de gaste biezônder verras waere. Dames waere in ’t langk verwach, hiëre in smoking of rok op ’t sjiekste fees van de stad!

Daags nao d’n Hofbal is traditiegetrouw de Matinee Musicale in de Maaspaort. De Matinee wuurt veuraaf gegaon door de Prinseresepsie, dus de zaal is al good gevöld. Dees muzikale happening, georganiseerd door Jocus Joekskemissie is bedoeld veur pap, mam, opa en oma en ouk de blaage. De Matinee löp wies ein oor of 8 in de aovend.

Hoëgtepunt van de middaag zien 't oétroope van 't nieje Dreejspan van Jocus Toekôms (umstreeks 15.00 oor) en ein oor later ein bezeuk van 't spikslpinternieje Jocus Dreejspan 2020!

Mit optraejes van de winnaer van Herfhane en de 't Jeug Vastelaovesleedjekonkoer, Jocus Hofkepel en de 4 winnende Jocus leedjes, Zjwartbroeëd, Tanzkorps Kölner Rheinveilchen en Minsekinder!

Eine oer-Venlose vastelaovesmiddaag in de Maaspoort, veur jôngk en ald. En auk nog ens gratis toegankelik.
Weej zeen ôs op 't Matinee Musicale!

Op dit grutste vastelaovesbal luuët, wie altiéd, ’t Boerebroélofsgezelschap van ’t vurrig jaor, eur "kiendje" kiéke. Heejnao neemp ’t gezelschap aafscheid en neme ein nieje taak op zich, die van Ermen Tak.

Daomei make zeej de buun vreej veur ’t nieje Boerebroélofsgezelschap, die zichzelf aan de verzamelde boere en boerinne veurstelle. De zaal is aangekleid mit passende landbouwprodukte en de gaste gaon allemaol gekleid in eur beste boérekleid of pak.  

 

Bestel kaarte in de webshop

Tiejes de Prônkzitting, taeves bekind as “Jocus Joeksige Leejevergadering”, traejt ein keur van Venlose- en regionale bekinde artieste op. Meziék, Humor en Dans wissele zich in hoëg tempo aaf. ’t Regerend Jocus 3-span, de Venlose Stadsprins en zien Adjudante traeje deezen aovend aaf en haope op ein plaetske in de Prinsehemel. 

 

Krense

‘s Zondaags nao ’t Boeremoosbal is  ‘t  Krense. Geej kint ’t nieje Boerebroélofsgezelschap “De Herungerstraot” fillicitere en gezellig naopraote euver ’t Boeremoosbal.

Mit ein klepke in de hand en joeksige meziek mit de ganse femilie, vrinde en aanhang nao de Maaspoort veur eine kwanten daag. 

Mit optraejes van:

- Erwin van 't Merretkoër
- Linke Mik
- LVK
- Jocus' Mini- en groëte Dansgarde
- Floep