Inmiddels ein tradisie en ein begrip op de vastelaoveskalender is Jocus Joetsaovend. Auk in 2022, te weite zaoterdaag 19 fibberwari (aansloétend aan ’t Prônke op de Klaosstraot) kin d'r weer gejoets waere op ôs Parade.

Alderwets van kefee nao kefeeke joetse en veural zelf zörge det 't eine joeksige aovend wuurt. Schaele wazel verkaupe aan de teek mit ein good glaas beer, piassekraom make mit dien vrinde of andere joetsers ammeseere mit 'tgeen desse dich dit kiër weer in haes laote valle. Boéte op straot speule joekskepelle de Venlose vastelaovesméziek en meugse 't hoëgste leed zinge of d'n Hoempapa danse.

De deilnemer aan de Joetsaovend is alzoë auk geliék de haufrolspeuler.

Want weej zien en make zelf de vastelaovend!

Asse dinks, dao wil ik beej zien kinse dich tzt via de webshop ein stempelkaart kaupe. Daoveur kriegse beej idder van de nege deilnemende kefees ein klep veur lau en as geej al die kefees ziet aafgewaes wuuërt dich auk nog ens ein echte Jocus Joetsaovend 2019 medalje, ôntworpe door Hofteikenaer Ivo Nellissen, op de bors gespeld. Ein biézôndere, exclusieve medalie want idder jaor wuurt d’r ein niéj ôntwerp geprissenteerd dae allein is bestump veur de joetsers van det jaor en door 't beperk aantal kaarte zien d’r auk maar ein selek aantal medaljes.

Alzoë pak ôg ônder de erm, bestel kaarte in de webshop of kaup ze in ein van de deilnemende kefees en kôm allemaol naor de Jocus Joetsaovend!

Kaarte veur de Jocus Joetsaovend zien te kriége via de webshop op www.jocus.nl en beej de deilnemende kefees. Dit zien: Kefee HadseflatsDe TapperieDe GalerieDe BrasserieLeo's ProeflokaalBonjoereGrand Café de Keulse KarRub-a-Dub en de Witte.

D'n aovend deurt van 17.11 wies 23.11 oor.

De Träöt is 't Staatsorgaan van Jocus en steit bäördevol mit foto's en achtergrondverhaole en is vanaaf donderdaag 22 fibberwari veur €3,00 te koup op de volgende adresse:

  • Albert Heijn Maagdenbergplein, Maagdenbergplein
  • Albert Heijn Hagerhof, Van Nijvenheimstraot
  • Bookhandel Koops/Venloos VVV-kantoër, Klaosstraot
  • Jumbo Supermarkt, Vinckenhofstraot
  • Jumbo Benders, Gelreplein
  • Primera MaasBLVD, Maasstraot
  • Slegterie De Karbinder, Wolweverstraot

Op vastelaovesmaondaag 2021 zal d'r helaas génne Groëten Optoch door de straote van Venlo trekke.

Hald veur eventuele alternatieve activiteite ôs website in de gate.

De volgende Groëten optoch is op Vastelaovesmaondaag 28 fibberwari 2022.

De Kôffietuiterie is 't juuste moment um 'n gooje baom te legge veur de lange Boeredinsdaag / Vastelaovesdinsdaag. In Jocus Hoonderstal kômme boere en boerinne beejein um te ontbijte en zich op te make veur de onechte trouwerie van 't Broédspaar, later op de middaag.

Vanaaf 13.30 oor trek vervolgens ein bonte stoet van boere en boerinne door de binnestad van Venlo nao de Mert veur 't Stadhoes.

 

Bestel kaarte in de webshop

Veur vuuël vastelaovesvierders is dit de moeisten daag van de Vastelaovend. Venlonaere die de stad oeits hebbe verlaote um zich örges anders te vestige kômme speciaal veur dit fantastische fees truuk nao ’t Stedje van Lol en Plezeer. Veuraafgaond aan de Boerebroélof-sirremonie op 't Venlose stadhoés  trek 't gans gezelschap en idderein dae mei wilt in eine bônten broélofs-optoch door de Venlose binnestad. Idderein dae det wilt meug mei in d‘n optoch! De ganse Mert is gevöld mit boere en boerinne as getuuge

In 2021 zal d'r gén Boérebroélof plaatsvinde. Hald veur 't alternatief program op vastelaoves dinsdaag ôs thoesblaad en social media kanale in de gate.

De aanstaonde broéd en broédegom van stichting Zomerparkfeest zölle elkaar 't jaowaord gaeve op vastelaovesdinsdaag 1 maart 2022.