In dit biezôndere vastelaovesjaor kint Venloosch Vastelaoves Gezelschap Jocus toch eine niejen Hoëgheid bekindmake. Al zulle d'r dit jaor gen georganiseerde Jocusactiviteite plaats vinde en zal d'r gen niej Jocus Dreejspan 2022 waere oétgerope, toch meug d'r eine niejen Hoëgheid aan de Prinsegalerie waere toegevoog…

Veur de nieje editie van De Träöt heel 't Jocus Museum in samewerking mit 't Jocus Archief ein onderzeuk nao de Venlose vastelaovend in de 19e iëuw. Renier Linders, veurzitter van ’t Jocus Museum: “ ’t Is Biezonder det weej op dees wiés de historie tot laeve kinne bringe. Dees periode is belangriék gewaes veur Jocus en de vastelaovend in Venlo. Mit de digitale meugelikhede van noow kinse steeds miër informasie samebringe en ein gebeurtenis inkleure. En tot ôs groëte verrassing wuurt de galerie van ald Prinse auk nog ens oétgebreid.

Want al snel neemp 't onderzeuk ein opmerkelikke wending. De vastelaovend van 1898 haet ein prominente plaats in de Jocushistorie. Aevel vuuël is euver dae'n tiéd neet bekind. Via ‘t gedigitaliseerde Jocus Archief en de Keuninklikke Bibliotheek in Den Haag woort informasie ôntdek det zelfs inkele historische ôntdekkinge opleverde.

Jaap Stroeken, haufredacteur van De Träöt leech einen tip van de sluier op: "Idder jaor haet De Träöt auk aandach veur ein historische gebeurtenis. Dit jaor waas ôs ideej um truuk te gaon nao de 19e iëuw, nao 't jaor 1898 wie in Venlo op groëtste wiés vastelaovend woort gevierd. Jocus bestônd det sezoen 5x11 jaor en aan de hand van inkele unieke foto's woele weej as 't waore ein stadswandeling door 't Venlo van dae'n tiéd make.”

Ein deil van ‘t vereinigingsarchief is in broékliën beej 't Gemeintearchief en bevat inkele foto's die nog neet dök gepubliceerd zien. Same mit krantepublicaties oét dae'n tiéd is ein chronologisch verslaag gemak. Tot groëte verrassing duik ein artikel op oét de Limburger Koerier van 11 fibberwari 1898: "de kleurrijke opgetuigde Venetiaansche gondel waarin Prins Carnaval, de heer Paul Thywissen, en Venlona, de heer Ger. Engels, benevens de leden van het Jocus-comité in matrozenkostuum plaats zullen nemen (...) zal niet nalaten een overweldigend effect te maken.”

Jaap Stroeken: “Zoë kwaam tiédes ’t onderzeuk d’n Hoëgheid van det jaor baove: Paul Thywissen (oétgespraoke as Tie-wissen) ging Venlo veur as Prins Paul I. Eigelik beej toeval, maar toen woele weej neteurlik miër weite. Veur Jocus waas deze naam auk ônbekind. Weej wiste waal det hae as Marquis van Stempelnowski lid van de Raod van Elf waas. Taegeswaordigs is de niejen Hoëgheid haos ein staatsgeheim, aevel toen stond hae gewoën in de krant. In ’t Träöt-artikel gaon weej wiejer opzeuk nao zien roots en waere andere leuke ônthöllinge euver vastelaovend 1898 ônthöld."

Renier Linders vertelt: “Det doon weej auk in ’t Jocus Museum neteurlik. D’r löp al de tentoënstelling ‘Waas geteikend’ ein hommage aan ôzze Hofteikenaer Piet Camps. Dao is noow ein mini exposisie aan toegevoog wao-in weej dit verhaol en de niejen Hoëgheid oét de deuk kinne doon. Wies vastelaovend zien weej iddere zondaag geäöpend en neteurlik is ’t auk meugelik um ein rondleiding op aafspraok te kriége.”

't Volledige verhaol euver de vastelaovend 1898 wuurt gepubliceerd in de nieje editie van De Träöt en is vanaaf donderdaag 10 fibberwari verkriégbaar op de bekinde verkauppunte en www.jocus.nl.

Euver ’t Jocus Museum:
Wiés vastelaovend is ‘t Jocus Museum iddere zondaag geäöpend van 13.00 oor wies 16.30 oor. Auk is ’t meugelik um op aafspraok ’t museum te bezeuke en ein rondleiding te kriége. Miër informasie, auk euver de geldende maotregele: www.jocus.nl/museum

Niejsarchief

20-05-22 In memoriam: John Bartels
10-04-22 In memoriam Hay Kuyper
01-03-22 Jocus motto Vastelaovend 2023
25-02-22 In memoriam: Leopold Wolters
17-02-22 Vastelaoveszôndaag 13.11 oor: Kinderoptoch
08-02-22 Jocus prissenteert 74e editie van De Träöt
03-02-22 Toch nog eine nieje Jocus Prins
20-01-22 Jocus vlaggemas-aktie
17-12-21 Vastelaovend 2022: gen Prinse en georganiseerde vastelaovesaktiviteite in Venlo en Bliërick
11-11-21 Jocus Groëte Prônkzitting geit neet door
04-11-21 Jocus bluuës evenement Elf van Elf aaf
19-10-21 ‘D’n Opstaeker® 2022’ ein ontwerp van Sabrina van Wijlick
16-10-21 Boeremoos paote in ‘t park
09-10-21 Indoétslaag Opus Jocus 2021
04-09-21 Finaliste Opus Jocus Leedjesaovend 2021 bekind
25-07-21 33 inzendinge veur Jocus Veurselectie
06-07-21 In memoriam: Ser Vijgenboom
13-06-21 Jocus Museum iërt Piet Camps mit tentoënstelling 'Waas geteikend'
05-05-21 Oétkomste Jocus enquête bekind
23-03-21 In memoriam: Pierre Janssen
12-03-21 Enquête toekôms vastelaovend
18-02-21 In memoriam: Funs Bisschops
16-02-21 Motto 2022
06-02-21 Podcast 'Lockdown op zölder'
31-01-21 In memoriam: d’n hiër Paul Tjen
24-01-21 De Träöt bringk dit jaor de Vastelaovend thoés
14-01-21 Anne Haeyen mak winnend ontwerp Vastelaovesposter 2021
07-01-21 Stum veur de Vastelaovesposter 2021
31-12-20 In memoriam Jack Collin
11-11-20 Maks dich de vastelaovesposter van 2021?
13-10-20 ‘D’n Opstaekerᵀᵐ 2021’ ein ôntwerp van Jos Cremers
08-10-20 Jocus schrap aktiviteite seizoen 2020-2021
03-10-20 Indoétslaag Opus Jocus 2020
28-09-20 Opus Jocus Leedjesaovend zonder publiek in de zaal
30-08-20 Finaliste Opus Jocus Leedjesaovend 2020 bekind
26-07-20 27 inschriévinge Jocus Veurselectie
04-06-20 Jocus Museum vanaaf 15 juni weer te bezeuke
15-04-20 Inschriéving Jocus Veurselectie
10-04-20 In memoriam: Evert Theunissen
06-04-20 Boerebroélof 2021 gegund aan 't Zomerparkfeest
04-04-20 In memoriam: Toën van Gasselt
03-04-20 In memoriam: Johan Hendriks
22-02-20 Kinderoptoch aafgelas
17-02-20 Topeuverleg Prins Marcel II en de Tempeleers
17-02-20 Opstelling Jocus Groëten Optoch
08-02-20 Dao hebse de Prins!
05-02-20 Schriéfwedstrijd OGVO & Jocus: Vastelaovend! (2)
04-02-20 Pak De Träöt! Foto's, schaele wazel en ein niej jeske!
03-02-20 Jocusvlagge gruuëts truuk op Sint Martinusbasiliek
31-01-20 Schriéfwedstrijd OGVO & Jocus: "Miene 1e vastelaovend in Venlo"

Volgende evenemente

Kaarte bestelle