Jocus leedjes op carillion Sint Martinuskerk
- Gegevens
De veer winnende vastelaovesliedjes van Venlo zien te huure op ‘t carillon van de Sint Martinuskerk. Stichting Het Venloos Carillon wil op dees wiés ‘t jubileum van Jocus luuster beejzette. De kômmende maonde zulle 'Geliék vertrokke', 'Ik kin neet bäöke', 'Ik hald 't kort' en 'As ik dit druim' geregeld euver de stad klinke. Umdet ‘t carillon sinds kort eine nieje speulautomaat haet, is ‘t eenvoudiger gewaore leedjes toe te vooge. Daonaevebeej is ‘t meugelik um meziék aan te vraoge via de website van ‘t carillon.
In euverlegk mit Jocus wuurt ‘t rippertoire steeds vaerder oétgebreid en wuurt auk onderzoch op welke wiés ‘t carillon ein rol kan speule in ‘t jubileumjaor.
Jocus Jubelkedo 16x11
- Gegevens
Schriéf ôg, mit de decembermaond in aantoch, vandaag nog in.
Ein uniek, Venloos kunswerk veurstellende de plattegrônd van ôs Jocusriék mit dao opgelag eine Jocushaan in blaadgôld. Ein prachkedoo det luuët zeen wao Jocus veur steit: vakmanschap, aug veur detail en tradisie!
Beej ein gruuëts Jocus 16x11 jubileum huurt ein prachkedo: 't Jocus 16x11 kunswerk!
Schriéf ôg, mit de decembermaond in aantoch, vandaag nog in.
Ein uniek, Venloos kunswerk veurstellende de plattegrônd van ôs Jocusriék mit dao opgelag eine Jocushaan in blaadgôld. Ein prachkedoo det luuët zeen wao Jocus veur steit: vakmanschap, aug veur detail en tradisie!
Jocus schink Venlo twië kunswerke: De Vreedzame Krijger en D'n Haan
- Gegevens
Beej gelaegenheid van 't 16x11 jäörig jubileum van Venloosch Vastelaoves Gezelschap Jocus schink zeej de inwoëners en bezeukers van de gemeinte Venlo twië kunswerk veur de aopenbare ruumte.
Op Elf van Elf 2019 wuurt ein groët kunstwerk “D’n Haan” geplaats aan de Keulse Poort det same mit de Venlose gemeinschap wuurt gemak en verwiés nao de ’t "Stedje van Lol en Plezeer”, de Venlose vastelaovend en Jocus. Veuroétlaupend dao-op wuurt op zaoterdaag 15 december 2018 ’t beeld “De Vreedzame Krijger” truukgeplaats op zien oorspronkelikke plaats op de Kop van Wiërd. De plaatsing van beide kunstwerke wuurt meugelik gemak door inkele veuraanstaonde Venlose onderneminge, instellinge, privépersoëne en de Provincie Limburg in samewerking mit de Gemeinte Venlo en de Stichting Kunswerk Jocus 16x11.
Dit jaor is ‘t 176 jaar geleeje det Jocus woort opgerich. Nederlands’ aldste vastelaovesgezelschap viert daomei ein biezônder vastelaovesjubileum, van waal 16x11 jaor. Ein jubileum det op 5 oktober jongsleeje ein Keuninklik rendje kreeg door de oétreiking van de Keuninklikke iërepenning.
Dees feestelikhede zien veur Venloosch Vastelaoves Gezelschap Jocus aanleiding um de Venlonaere ein geschenk aan te beeje in de vorm van ein twiëtal kunswerke in de aopenbare ruumte. Bliévende verbeeldinge van ein ônlosmakelikke verbinding tösse de stad Venlo en Jocus.
In dit kader haet Jocus enige tiéd geleeje kôntak gelag mit beeldend kunstenaer Rik van Rijswick en ‘t initiatief genaome um de truukplaatsing van “De Vreedzame Krijger” op de Kop van Wiërd te realisere. "De Vreedzame Krijger" zal op 15 december 2018 op zien oorspronkelikke plaatse truukkômme. Ein initiatief det, gelet op de reuring die ’t weghaole van ’t beeld 3 jaor geleeje veroorzaakte, noow door eine breie groep Venlonaere mit vuuël positiviteit zal waere ôntvange.
In combinatie mit de truukplaatsing van “De Vreedzame Krijger” zal door Rik van Rijswick in de komende maonde ein niej en biézonder Vastelaoveskunstwerk waere gemak: “D’n Haan”. Dit betref ein groët en expressief baeld, ein beeldbepaold objek mit d’n haan as belangriékste kreatieve oétgangspunt. D’n haan is al sinds 1842 ‘t beeldmerk van Jocus en taevens ein krachbiës. ‘t Symboliseert de krachtige en gruuëtse stad Venlo, die al sinds jaor en daag de geuzenaam “Stedje van Lol en Plezeer” druëg. ‘t Kunstwerk steit veur bliejheid en positiviteit van de stad. ’t Wuurt ter verwelkomming van alle gaste op ein prominente plek aan de Keulse Paort (richting NS-station) geplaats. Heejdoor steit “D’n Haan” auk veur de gasvreejheid van Venlo. Door ziene kreatieve aard en umvang van ‘t kunstwerk, in combinatie mit de locatie zal ‘t ein herkinbare en beeldbepaolend zien in de Venlose binnenstad.
’t Baeld wuurt gemak mit materiale die waere aangereik door de maakindustrie van Venlo; de sterke economische motor van de stad. Vanoét de aangeleverde materiale (beejveurbaeld mechineonderdeile, glaas, ventilatorblaajer, geetmalle, printeronderdeile en ander resmetaal) wuurt “D’n Haan” gevormp. ’t Wuurt as ’t waore ein Gesamtkunstwerk waomei ein verbinding wuurt gelag mit de positiviteit en bliejheid van de Venlonaere, ’t breie draagvlak veur Jocus en de Venlose vastelaovend, de maakbaarheid van de stad Venlo en Cradle to Cradle (“recycle-kuns”).
De ônthölling van “D’n Haan” is veurzeen op 11 november 2019.
Zoëwaal de truukplaatsing van ‘De Vreedzame Krijger’ as de plaatsing van “D’n Haan” waere meugelik gemak door inkele veuraanstaonde Venlose onderneminge, instellinge, privépersoëne en de Provincie Limburg in samewerking mit de Gemeinte Venlo en de Stichting Kunswerk Jocus 16x11.
Elf van Elf, dich kumps toch zelf?
- Gegevens
Op zondaag elf november velt um percies 11.11 oor 't startschot veur 't nieje vastelaovessezoen. Ein biézônder jaor, want dit jaor besteit Jocus maar leefs 16x11 jaor. Vors Joeccius XI, Roel Versleijen en Börgemeister Antoin Scholten losse de iërste kenônscheut, gevolg door Stadsprins Herm I en de Prinse van de wiékvereiniginge. 't Fees rondum Elf van Elf is ein initiatief van Venloosch Vastelaoves Gezelschap Jocus en de Stichting Horeca Aldstad Venlo (SHAV).
Vanaaf 11 oor traejt veur 't Venlose stadhoés eine bônte slinger van artieste op. Jocus Hofkepel biet 't spits aaf. Daonaeve zien d'r maar leefs veer bands; Greun Graas, Van Gelder, Linke Mik en de Carnavalsband. Auk vuuël bekinde artieste oét de eige regio gaeve acte de présence wao-ônder de 4 winnende Jocus leedjes, de Herfshane, Gôlden hiëring, Joekskepel NUATH,Björn van Berkel, de Toddezek, Twië kier Twië, Christel en Quinn en Björn en Mieke. naeve livemeziék zien d'r auk optraejes van DJ Falco.
Op dezen daag wuurt auk de niejen Opstaeker geprissenteerd aan Börgemeister Scholten. D’n Opstaeker, dit jaor ôntworpe door beeldend kunstenaer Fons Schobbers oét Venlo, is ech ein verzamelaersobjek. Daonaeve wuurt de nieje Jocus CD as iërste oétgereik aan Hoëgheid Prins Herm I. Zoëwaal D’n Opstaeker as de nieje Jocus CD zien vanaaf 11 november te kaup
Naeve alle Venlose vastelaovesvereniginge en –gezelschappe zal 't Boerebroédspaar, Niki Benders en Luuk van Gerwen, van 't nieje Boerebroélofsgezelschap Perseniëlsvereniging Benders zich veurstelle aan de vastelaovesvierders. Neteurlik gadegeslage door ‘d’n Erme Tak van Festina Lente", 't gezelschap van aafgelaupe seizoen.
Elf van elf, dan kumpse toch zeker zelf!
Weej zeen ôs op de markt op Elf van Elf 2018 vanaaf 10.30 oor.
Blaadmeziék 4 winnende Jocusleedjes 2019
- Gegevens
Meziékleefhebbers opgelet!
De blaadmeziék van de 4 winnende Jocusleedjes van ‘t sezoen 2018-2019 zien vaerdig!
D’n officiële blaadmeziék / partiture zien gearrangeerd door Wim Roeffen en Maurice Delsing. Beschikbaar zien partieje veur trompet (1+2), fluit, bariton, alt sax, tenor sax, bariton sax, klarinet (1+2), trombone, tuba, hoorn en bas...
De partiture zien heej te downloade:
https://jocusvenlo.nl/media-foto-video/vastelaovesmeziek/meziek
Niejsarchief
Volgende evenemente
-
13-01-19Jocus Toekôms Femiliezitting / Aaftraeje Dreejspan
-
02-02-19Boéremoosbal
-
03-02-19Krense veur Nappes
