Jocus

In de laup van de jaore zien vanoét ôs Stedje van Lol en Plezeer verschillende Venlonaere oétgevlaoge um eur gelök auk örges anders op de wereld te bepreuve. Idderein kint wal emand in zien femilie of vrindegroop dae tiédelik of veur langeren tiéd veur ein ander deil van de waereld haet gekaoze.
Gruüets as zeej zien op eur Venloos blood, veule zeej zich nôg altiéd verbônde mit ôs stad, ôs Venlonaere en de Venlose költuur die weej as Jocus in ’t biézônder, bliéve oétdrage.

Sommige Venlonaer kômme nôg speciaal truuk um dreej daag Vastelaovend te viere. of wille gewoën gaer weite wae ôs veur zal gaon as Hoëgheid, wie De Träöt d’r oét zuut of welke vastelaovesleedjes d’r dit jaor weer in Venlo klinke.

Vandao det Venloosch Vastelaoves Gezelschap Jocus midde in zien 16x11 jäörig jubileum haet beslaote um ein exclusief aantal intenationale Jocus Consulate op te richte: verdeild euver alle werelddeile zien weej opzeuk nao de juuste minse um Jocus op de kaart te zette. “Consuls” die weite waat die echte Venlose Vastelaovend is en wie die te viere!

Wie kinse officiële Jocus Consul waere?
Wie sjiek zoel ’t dan auk zien as dich vanoét d'n vraemde ôzze officiële Jocus Consul wuurs?

Veur ’t bedraag van € 111,- zörge weej dan desse as ôzze Internationale Donateur De Träöt, de nieje Jocus CD en jäörliks ein ech Venloos vastelaoveskedo in dien breevebuske vinds.
Daomei druuëgse same mit al die Venlonaere, die wao ze auk zien, aktief beej aan ‘t unieke erfgood det de waereld riék is: “De Venlose Vastelaovend”

Wach dus neet te lang en steur ôs ’n mail of poskaertje vanoét dien hukske van de waereld. Weej heite dich dan van herte welkom en zörge veur de res…!

Mit meis hertelikke groete, auk names de iërste Jocus Consuls vanoét Australië, Amerika, Mexico, Oekraïne en Turkije...!

Miër weite?
Veur miër informasie kint geej kôntak opneme via Dit e-mailadres wordt beveiligd tegen spambots. JavaScript dient ingeschakeld te zijn om het te bekijken.